İranda qarışıq döyüş sənətləri (MMA) üzrə keçmiş çempion və beynəlxalq hakim Qolamrza Xani Şəkərab barəsində çıxarılan edam hökmü icra edilib. “Fars” agentliyinin yaydığı məlumata görə, 34 yaşlı Şəkərab İsrailin “Mossad” kəşfiyyat xidməti ilə əməkdaşlıq etməkdə və təxribat xarakterli şəbəkənin fəaliyyətində iştirakda təqsirli bilinib.
Məhkəmə instansiyaları tərəfindən təsdiqlənən hökmün icrası ilə bağlı məlumatı “Operativ Məlumat Mərkəzi-OMM” təsdiqləyib. Qeyd edək ki, idmançı karyerası ilə yanaşı məşqçilik fəaliyyəti də göstərən Qolamrza Xani Şəkərab həbs olunmazdan əvvəl Türkiyədə yaşayırdı. O, ötən il İraqa səfəri zamanı İranın təhlükəsizlik qüvvələri tərəfindən saxlanılmışdı.
