İranın xarici işlər nazirinin hüquqi və beynəlxalq məsələlər üzrə müavini Kazem Qəribabadi “Qeşm” adasının sahillərində müşahidə olunan neft çirklənməsi ilə bağlı açıqlama verib.
“Operativ Məlumat Mərkəzi – OMM” xəbər verir ki, Qəribabadi bölgədə ekoloji vəziyyətin pisləşməsinin təsadüfi olmadığını və bunun xarici qüvvələrin regiondakı hərbi fəaliyyətləri ilə bağlı olduğunu bildirib.
İran rəsmisi “İRNA” agentliyinə açıqlamasında regionda davam edən hərbi müdaxilələrin dəniz ekosisteminə ciddi ziyan vurduğunu deyib.
Qəribabadinin sözlərinə görə, “Qeşm” adasının sahillərində qeydə alınan neft çirklənməsi də məhz hərbi fəaliyyətlərin birbaşa nəticəsidir.
Rəsmi Tehran hesab edir ki, bu cür hadisələr yalnız ətraf mühitə deyil, həm də regionda təhlükəsizlik vəziyyətinə mənfi təsir göstərir.
