"Toronto"nun hücumameyilli yarımmüdafiəçi Federiko Bernardeski "Yuventus"a qayıda bilər.
"Operativ Məlumat Mərkəzi-OMM" xəbər verir ki, bu barədə “La Gazzetta dello Sport”məlumat yayıb.
Məlumata görə, "qoca sinyora" "Sassuolo"nun cinah oyunçusu Domeniko Berardini transfer edə bilməyəcəyi təqdirdə Federikonu almağa cəhd edəcək.
Bernardeski özü İtaliya millisinin heyətində 2024-cü il Avropa çempionatına vəsiqə qazanmaq üçün “Yuventus”a qayıtmağa hazırdır.
Qeyd edək ki, bu mövsüm yarımmüdafiəçi "Toronto"da 32 matçda iştirak edib. İtalyan futbolçu 5 qol vurub və 2 məhsuldar ötürmə edib.