İtaliyanın "Yuventus" klubu hücum xəttini gücləndirmək məqsədilə PSJ-nin 27 yaşlı forvardı Randal Kolo-Muani ilə bağlı danışıqlarda ciddi irəliləyişə nail olub.
"Operativ Məlumat Mərkəzi-OMM" xarici KİV-ə istinadən xəbər verir ki, tərəflər transferin şərtləri üzərində işləyirlər.
"Yuventus" rəhbərliyi fransalı futbolçunu icarə əsasında heyətinə qatmağı planlaşdırır.
Razılaşmaya əsasən, müqavilədə 30-32 milyon avro dəyərində satınalma opsiyası da nəzərdə tutulub.
Bu şərtin icrası isə "Yuventus"un mövsümün sonunda Çempionlar Liqasına vəsiqə qazanmasından asılı olacaq.
Qeyd edək ki, oyunçunun özü də İtaliya klubuna keçməkdə maraqlıdır. Kolo-Muani karyerasını məhz Turin təmsilçisində davam etdirməkdə israrlıdır.
Randal Kolo-Muani 2025/26 mövsümünü icarə əsasında İngiltərənin "Tottenhem" klubunda keçirib. "Şporlar"ın heyətində meydana çıxdığı 41 rəsmi matçda futbolçu özünü aşağıdakı göstəricilərlə yaddaşlarda qalıb:
- Qollar: 5
- Məhsuldar ötürmələr: 4
