“Dövlət büdcəsindən 8 milyard 396 milyon manat müdafiə və təhlükəsizlik xərclərinə ayrılıb”.
"Operativ Məlumat Mərkəzi-OMM" xəbər verir ki, bunu maliyyə naziri Samir Şərifov Milli Məclisin İqtisadi siyasət, sənaye və sahibkarlıq komitəsinin bu gün keçirilən iclasında müzakirəyə çıxarılan “Azərbaycan Respublikasının 2025-ci il dövlət büdcəsi haqqında” qanun layihəsinə münasibət bildirərkən deyib.
“Sosialyönümlü xərclər 2025-ci dövlət büdcəsində də əsas götürülüb. Prezidentin müvafiq taprığının icrası olaraq əməkhaqqı, pensiya, sosial müavinət xərcləri üçün 2025-ci ilin dövlət büdcəsində müvafiq məbləğdə vəsait nəzərdə tutulub. Yaşayış minimumu və ehtiyac meyarının 270 manatdan 285 manata çatdırılması nəzərdə tutulub. Bir sıra təqaüdlərin verilməsi üçün 1 943 milyon manat xərclər proqnozlaşdırılır”, deyə nazir əlavə edib.
