Xırdalan şəhərinin mərkəzində nəqliyyat sıxlığını azaltmaq məqsədilə yeni tunel layihəsinin icrasına başlanması planlaşdırılır.
"Operativ Məlumat Mərkəzi-OMM" xəbər verir ki, bu barədə AYNA-nın İdarə Heyətinin sədri Anar Rzayev “Bakı şəhərində və ətraf ərazilərdə nəqliyyat infrastrukturunun təkmilləşdirilməsinə dair 2025–2030-cu illər üçün Dövlət Proqramı”nın icrasına həsr olunmuş dəyirmi masada məlumat verib.
Əsas məqamlar:
M-4 avtomobil yolu – Xırdalan (mərkəz) tuneli 2026-cı ildə tikintisinə başlanması mümkün olan prioritet layihələr sırasındadır.
Layihə Xırdalan və ətraf ərazilərdə avtomobil axınının səmərəli təşkili, tıxacların azalması və paytaxta giriş-çıxışın sürətlənməsi məqsədi daşıyır.
2026-cı ildə başlanması planlaşdırılan digər yol layihələri:
M. Xiyabani – Dairəvi-1 yolu
Xırdalan dairəsi
Ə. Salamzadə – Z. Bünyadov istiqaməti
AYNA rəhbəri vurğulayıb ki, bu layihələr Bakı və ətraf ərazilərdə nəqliyyat sıxlığının azaldılmasına və hərəkətin daha təhlükəsiz təşkilinə xidmət edəcək.
