Çin Prezidenti Si Cinpin Rusiya Prezidenti Vladimir Putini “çoxdankı dost” adlandırıb.
“Operativ Məlumat Mərkəzi – OMM” xəbər verir ki, Si Cinpin və Vladimir Putin arasında “Rossiya-24” telekanalında yayımlanan videokonfransda Çin lideri iki ölkə arasında dialoqun irəli aparılmasına hazır olduğunu bildirib.
Si Cinpin çıxışında deyib:
“Hörmətli cənab Prezident, mənim çoxdankı və əziz dostum. Yeni ilin əvvəlində sizinlə videokonfrans formatında görüşməkdən çox məmnunam”.
O, həmçinin bu gün Çin Liçunu, yəni yazın başlanğıcını qeyd etdiyini vurğulayıb:
“Bu, başlananları və ümidi təcəssüm etdirən, xoş və çox simvolik bir gündür. İkitərəfli münasibətlərin inkişafı üçün yeni iddialı plan hazırlamaq məqsədilə sizinlə dərin söhbət etməkdən məmnunam”.
Si Cinpin qeyd edib ki, Rusiya Təhlükəsizlik Şurasının katibi Sergey Şoyqu yaxınlarda Çinə səfər edərək xarici işlər naziri Vanq Yi ilə mövqeləri uyğunlaşdırıb və mühüm beynəlxalq və regional məsələləri müzakirə edib.
“İlkin strateji məsələlər barədə sizinlə fikir mübadiləsi aparmağa hazıram”, – deyə Çin lideri əlavə edib.
