ABŞ Dövlət Departamentinin sözçüsü Metyu Miller Vaşinqtonun öz müttəfiqlərinə “məşhur” dəstəyi ilə bağlı departamentin mövqeyinə aydınlıq gətirib.
"Operativ Məlumat Mərkəzi-OMM" xəbər verir ki, bu barədə RİA Novosti məlumat yayıb.
O, jurnalistlərin brifinqdə Amerika rəsmilərinin son illərdə neçə ölkəni “tərk etdiyi” barədə sual verdikdən sonra bu bəyanatı verib. Söhbət Vaşinqtondan dəstək vədləri alan kambocalılar, cənubi vyetnamlılar, kürdlər və əfqanlardan gedirdi.
“Düşünürəm ki, NATO müttəfiqlərinə gəldikdə dəstəyimizin tarixi aydındır”, - deyə Miller bildirib.
Ukraynaya yardımla bağlı Dövlət Departamentinin nümayəndəsi vurğulayıb ki, Vaşinqtonun mandatı müttəfiqləri ilə razılaşmaların yerinə yetirilməsindən ibarətdir.
