"Vaşinqton administrasiyası Vatikanın Qəzza zolağındakı vəziyyəti həll etmək üçün yaradılan Sülh Şurasında iştirak etməkdən imtina etməsindən təəssüflənir".
“Operativ Məlumat Mərkəzi-OMM” xəbər verir ki, bu sözləri Ağ Evin mətbuat katibi Kerolin Levitt deyib.
"Düşünürəm ki, bu, çox təəssüf doğurur. Əlbəttə ki, administrasiya Sülh Şurasına dəvət olunmuş hər kəsin iştirakını istəyir. Bu, onlarla ölkədən ibarət qanuni bir təşkilatdır. Və biz bu qərarın təəssüf doğurduğuna inanırıq. Prezidentin Qəzza zolağının yenidən qurulması üçün çox cəsarətli və iddialı bir planı və vizyonu var", - deyə o, Müqəddəs Taxt-Tacın qərarını şərh edərkən bildirib.
Levitt həmçinin sülhün bərqərar olması və qorunması ilə bağlı məsələləri siyasiləşdirməyə ehtiyac olmadığını bildirib.
Xatırladaq ki, Müqəddəs Taxt-tacın qərarını Vatikan Dövlət Katibi Kardinal Pietro Parolin açıqlayıb.
