OMM Redaksiyası
UFC-nin yarım yüngül çəki üzrə çempionu Aleksandr Volkanovski Movsar Yevloyevlə döyüşdə göstərəcəyi performansla tamaşaçıları təəccübləndirəcəyini bildirib. İdmançı qarşılaşmada öz üslubunun və rəqibinin döyüş tərzinin maraqlı mübarizə vəd etdiyini düşünür.
Volkanovski UFC-yə açıqlamasında bildirib ki, bu fikri yalnız hazırda karyerasının ən yaxşı formasında olduğuna görə səsləndirmir. Onun sözlərinə görə, döyüşdən sonra tamaşaçılar belə bir çıxış gözləmədiklərini deyə bilərlər.
“Düşünürəm ki, insanlar döyüşdən sonra ‘Vay, bunu gözləmirdim, xüsusən də 38 yaşında’ deyəcəklər. Həqiqətən inanıram ki, qarşılaşmadan dərhal sonra hamı bu barədə danışacaq”, – Volkanovski bildirib.
Volkanovski və Yevloyev çempionluq kəməri uğrunda oktyabrın 24-də Birləşmiş Ərəb Əmirliklərinin Əbu-Dabi şəhərində döyüşəcəklər. Qarşılaşma UFC 333 turnirinin əsas hadisəsi kimi planlaşdırılıb. Volkanovskinin MMA-da 32 döyüşü var və o, 28 qələbə qazanıb. Yevloyev isə keçirdiyi 20 döyüşün hamısında qalib gəlib.
