OMM Redaksiyası
UFC çempionu Aleksandr Volkanovski Movsar Yevloyevlə qarşılaşma öncəsi həyəcan keçirdiyini deyib. Döyüş oktyabrın 24-də Əbu-Dabidə keçiriləcək turnirdə baş tutacaq.
Volkanovski bildirib ki, adətən döyüşlərdən əvvəl narahatlıq yaşamır, lakin bu qarşılaşma onu bir qədər gərginləşdirir. Onun sözlərinə görə, okt aqonda nələrin baş verəcəyini əvvəlcədən bilmək mümkün deyil və döyüş istənilən an başa çata bilər.
“Məşqlərdə ən pis ssenariyə hazırlaşırıq, buna görə də ən ağır yüklənmələri tətbiq edirik. Dözümlülük üzərində işləmək ən yorucu hissədir. Bu düşərgədə geri dönüşü olmayan həddə çatmaq istəyirik: insanın ağlında yalnız sağ qalmaq olur”, – deyə idmançı öz kanalında yayımlanan videoda söyləyib.
Volkanovski 37 yaşında da hazırlıq zamanı müəyyən etdiyi standartı qorumağın vacibliyini vurğulayıb. O qeyd edib ki, döyüşdə bacarıqlar yetərli olmaya və planlar pozula bilər, belə anlarda isə dözümlülük köməyə gəlir. İdmançı rəqibindən daha az yorulduğunu düşünməyin ona əlavə güc verdiyini də əlavə edib.
