OMM Redaksiyası
UFC-nin yarım yüngül çəki dərəcəsində çempionu Aleksandr Volkanovski yüngül çəkidə çempion Castin Geyciyə titulun qoyulacağı döyüş təklif edib.
Volkanovski sosial şəbəkələrdə yayımladığı videoda bu qarşılaşmanı hər iki idmançının karyerasını başa vurması ilə nəticələnə biləcək “iki UFC çempionunun superdöyüşü” kimi təqdim edib.
“Gəlin yüngül çəkidə, titul uğrunda superdöyüş keçirək! Bundan sonra ikimiz də MMA ilə vidalaşa bilərik. Bu, əsl azarkeşlər üçün möhtəşəm döyüş olar”, – Volkanovski deyib.
O, Geycinin gələcəkdə döyüşüb-döyüşməmək barədə düşündüyünü və revanş döyüşlərinin mənasını sorğuladığını söyləyib. Volkanovski amerikalı idmançını iki çempionun qarşılaşmasını keçirməyə çağırıb.
Oktyabrın 24-də Volkanovski çempionluq kəmərini rusiyalı Movsar Yevloyevlə döyüşdə qorumağa çalışacaq.
