OMM Redaksiyası
"Venesuela neft hasilatının Amerika şirkətlərinin hesabına bu il 30-40% artacağını gözləyirik".
"Operativ Məlumat Mərkəzi-OMM" xəbər verir ki, bu sözləri ABŞ-nin Energetika naziri Kris Rayt deyib.
Nazir bildirib ki, bu il Venesuelada neft hasilatında kifayət qədər əhəmiyyətli 30-40% artım müşahidə edəcəklər.
O əlavə edib ki, ABŞ əvvəllər bağlanmış bütün və yeni müqavilələri qiymətləndirmək və Venesuela və Qərb yarımkürəsinin maraqlarına cavab verəcək prioritetləri müəyyən etmək üçün Venesuela hakimiyyəti ilə əməkdaşlığı davam etdirəcək.
Kris Rayt fevralın 12-də Venesuelaya səfər etmiş və ölkənin müvəqqəti prezidenti Delsi Rodrigez ilə birlikdə neft obyektlərini gəzib.
Səfərindən bir gün əvvəl Rayt rəsmi olaraq ABŞ-nin Venesuelaya qarşı neft sanksiyalarının ləğvini elan etmişdi.
