Afət Ziyadqızı
Təhlükəsizlik qüvvələri Varşavanın mərkəzində, Seym və Senat binalarının yaxınlığında antiterror əməliyyatı keçirir.
"Operativ Məlumat Mərkəzi-OMM" xarici mətbuata istinadən xəbər verir ki, bu barədə Varşava polisi məlumat yayıb.
"Bəzən terrorizmə qarşı mübarizə qüvvələrinin köməyini tələb edən vəziyyətlərlə qarşılaşırıq. Buraya cinayət törətməkdə şübhəli bilinən şəxslərin saxlanılması da daxildir", - məlumatda qeyd olunub.
Məlumata görə, əməliyyat zamanı "Black Hawk" helikopterindən istifadə edilib və qoşunlar binalardan birinin damına eniş ediblər.
