Macarıstanda “Gripen” tipli döyüş təyyarəsi qəzaya uğrayıb.
“Operativ Məlumat Mərkəzi – OMM” xəbər verir ki, hadisə Szolnok şəhəri yaxınlığında baş verib. Təyyarənin qəza səbəbi hələlik məlum deyil.
Məlumata görə, pilot təhlükəni vaxtında hiss edərək katapult sistemindən istifadə edib və sağ qalıb. Hadisə nəticəsində xəsarət alan olmayıb, mülki infrastruktura da ziyan dəyməyib.
Qəzanın səbəblərinin müəyyənləşdirilməsi üçün araşdırmaya başlanılıb. Macarıstan rəsmiləri əlavə məlumatların istintaq başa çatdıqdan sonra açıqlanacağını bildiriblər.
