Afət Ziyadqızı
Qazaxıstanda keçirilən növbədənkənar parlament seçkilərində hakimiyyətyönlü “Adilet” partiyası böyük üstünlüklə qalib gəlib.
“Operativ Məlumat Mərkəzi – OMM” xəbər verir ki, ilkin exit-poll nəticələrinə əsasən, partiya səslərin 70-72 faizini toplayıb. Seçici fəallığının isə 74 faizdən çox olduğu bildirilir.
Seçkilər ölkədə yeni konstitusiya çərçivəsində keçirilən ilk parlament səsverməsi olub. Yeni sistemə əsasən, Qazaxıstan ikipalatalı parlamentdən təkpalatalı sistemə keçib.
Nəticələrin Prezident Kasım-Jomart Tokayevin siyasi mövqelərini daha da gücləndirəcəyi və onun ölkədə siyasi islahatlar kursuna dəstək verəcəyi gözlənilir.
Tokayev seçkilərdən sonra ölkənin ilk vitse-prezidentinin yaxın bir həftə ərzində təyin olunacağını açıqlayıb. O, növbəti prezident seçkilərində iştirak edib-etməyəcəyi barədə isə açıqlama verməyib.
