Çexiyanın Baş naziri Andrej Babis 15 yaşdan kiçik uşaqların sosial şəbəkələrdən istifadəsinin qadağan edilməsinin tərəfdarı olduğunu bildirib.
"Operativ Məlumat Mərkəzi-OMM" xarici KİV-ə istinadən xəbər verir ki, bu addım Avropanın bir çox ölkəsində uşaqların psixi sağlamlığını qorumaq məqsədilə müzakirə edilən oxşar məhdudiyyətlər fonunda atılıb.
Baş nazir özünün sosial media hesablarında paylaşdığı video müraciətində qeyd edib ki, ekspertlər bu platformaların uşaqlar üçün olduqca zərərli olduğunu təsdiqləyirlər.
"Biz uşaqlarımızı qorumalıyıq" - deyə Babis vurğulayıb.
Hazırda bir neçə ölkə sosial media ilə bağlı sərt tədbirlər görməyi planlaşdırır:
Avstraliya ötən ilin dekabrında 16 yaşdan kiçiklər üçün sosial mediaya girişi qadağan edən ilk ölkə olub.
İspaniya və Yunanıstan yeniyetmələr üçün oxşar qadağalar təklif ediblər.
Fransa və Böyük Britaniya sosial medianın mənfi təsirlərinə qarşı daha sərt mövqe nümayiş etdirirlər.
Çexiya hökumətinin Baş nazir müavini Karel Havlicek bildirib ki, kabinet bu qadağanı ciddi şəkildə nəzərdən keçirir. Əgər qərar qəbul olunarsa, müvafiq qanunvericilik aktı bu il ərzində təqdim ediləcək.
