OMM Redaksiyası
Aztəminatlı ailələrin gözlədiyi qərar artıq rəsmiləşib. Prezident İlham Əliyevin imzaladığı qanuna əsasən, 1 yanvar 2026-cı ildən etibarən Azərbaycanda ehtiyac meyarı və yaşayış minimumu artırılaraq bərabərləşdirilib. Bu dəyişiklik sosial yardım ödənişlərinin məbləğinə birbaşa təsir edəcək.
Yeni ehtiyac meyarı: 300 AZN
Təsdiqlənmiş qanuna əsasən, ünvanlı dövlət sosial yardımının təyin edilməsi məqsədilə 2026-cı il üçün ehtiyac meyarının həddi 300 manat məbləğində müəyyən edilib.
Müqayisə üçün qeyd edək ki, 2025-ci ildə bu rəqəm 285 manat idi. 15 manatlıq artım hər bir ailə üzvü üçün hesablandığından, yekun yardım məbləğində ciddi fərq yaradacaq.
Yanvar ayı pensiyaları nə vaxt veriləcək? – 2026 Qrafiki
Yardım necə hesablanacaq? (Nümunə)
Yeni 300 manatlıq meyar ailələrin alacağı pulu necə artırır? Gəlin, sadə bir misalla baxaq:
Ailənin rəsmi gəliri (atanın maaşı) 500 manatdır.
Köhnə qayda (2025): 4 nəfər x 285 AZN = 1140 AZN (Ehtiyac).
Yardım: 1140 - 500 = 640 AZN
Yeni qayda (2026): 4 nəfər x 300 AZN = 1200 AZN (Ehtiyac).
Yardım: 1200 - 500 = 700 AZN
Nəticə: Ailənin gəliri dəyişməsə də, sadəcə meyarın artması hesabına ailə əlavə 60 AZN qazanır.
Yaşayış Minimumu da artdı
Digər bir qanunla 2026-cı il üçün yaşayış minimumu da ölkə üzrə 300 manat təsdiq edilib. Əhali qrupları üzrə isə rəqəmlər belədir:
- Əmək qabiliyyətli əhali üçün: 317 manat
- Pensiyaçılar üçün: 245 manat
- Uşaqlar üçün: 260 manat
Ödənişlər nə vaxt veriləcək?
Artırılmış məbləğlər yanvar ayının hesablamalarına şamil edilir. Vətəndaşlar fevral ayında kartlarına köçəcək məbləği artıq yeni qayda (300 AZN) ilə alacaqlar.
Siz də "e-sosial" portalı üzərindən ailənizin gəlirlərini yoxlayaraq, yeni 300 manat meyarına uyğun gəlib-gəlmədiyinizi öyrənə bilərsiniz.
