Birləşmiş Millətlər Təşkilatının Uşaq Fondu (UNICEF) İsrailin blokadası və sıx hücumları altında olan Qəzzada təxminən 800 min uşağın evindən didərgin düşdüyünü bildirib.
"Operativ Məlumat Mərkəzi-OMM" xəbər verir ki, bu barədə UNICEF-in sözçüsü Ceyms Elder BMT-nin Cenevrə ofisinin həftəlik mətbuat konfransında məlumat verib.
Elder bildirib ki, Qəzzada təmiz suya və kanalizasiyaya çıxışın məhdudlaşdırılması davam etdikcə, ölən uşaqların sayında faciəvi artım olacaq.
"İndiyə qədər Qəzzada 5350-dən çox fələstinli uşağın öldürüldüyü bildirilir. Bu, acınacaqlıdır. Təxminən 800 min uşaq Qəzzada köçkün düşüb. Bu, daha çox insan itkisi deməkdir", - deyə rəsmi qeyd edib.
