WUF13-ün formatı əvvəlki WUF-lardan fərqlənir.
“Operativ Məlumat Mərkəzi-OMM” xəbər verir ki, bunu BMT-nin Məskunlaşma Proqramının (UN-Habitat) icraçı direktoru Anaklaudia Rossbax Bakıda Ümumdünya Şəhərsalma Forumunun 13-cü sessiyası (WUF13) çərçivəsində keçirilən "Çoxtərəflilik vasitəsilə mənzil təminatının inkişafı: Qlobal öhdəliklərdən yerli təsirə" mövzusunda çıxışı zamanı deyib.
Onun sözlərinə görə, bu tədbirdə kifayət qədər müxtəlif tərəfdaşlar var:
"Foruma ilk dəfədir ki, ölkə liderləri, hökumət başçıları qatılmışdı. Eyni zamanda, iştirakçılar arasında keçmiş dövlət və hökumət başçıları, sabiq nazirlər var. Biz indiyədək görünməmiş miqyasda nazirləri bir araya gətirdik. Bundan başqa, mütəxəssisləri, ekspertləri və düşüncə adamlarını topladıq. Açılış mərasimində dövlət başçılarının çıxışlarından çox təsirləndim. Onlar sanki şəhərsalma mütəxəssisi kimi danışırdılar. Hamı istisnasız olaraq forumun real problemlərindən və həll yollarından bəhs etdi. Prezidentdən başlayaraq hər kəs texniki məsələlərə dərindən yanaşdı".
