Azərbaycan bu gün Ukraynaya daha bir humanitar yardım partiyası göndərib.
"Operativ Məlumat Mərkəzi-OMM" xəbər verir ki, humanitar yardım Ukrayna tərəfindən daxil olmuş müraciəti nəzərə alaraq, Azərbaycan Respublikasının Prezidenti İlham Əliyevin tapşırığı ilə təşkil olunub.
Humanitar yüklər su borularından, suyun vurulması üçün nasoslardan, xilasedici jiletlərdən ibarətdir.
16:39 ***
Ukraynada yaranan vəziyyətlə əlaqədar olaraq Azərbaycan Ukraynaya növbəti humanitar yardım göndərir.
"Operativ Məlumat Mərkəzi-OMM" xəbər verir ki, yardım Heydər Əliyev adına Beynəlxalq Hava Limanından Polşaya yola salınır.
Yardıma su çəkən texnikalar, su boruları, xilasedici gödəkcələr və digər lazımi avadanlıqlar daxildir.
Humanitar yardım bu gün yola salınacaq.
Yola salınma mərasimində Ukraynanın Azərbaycandakı səfirliyinin nümayəndələri və rəsmi şəxslər iştirak edəcəklər.
Xatırladaq ki, bundan əvvəl Azərbaycan Respublikasının Hökuməti tərəfindən Ukrayna xalqına humanitar yardım məqsədilə dərman vasitələri, tibbi avadanlıq, tibbi sərf və ləvazimat malları, eləcə də ərzaq məhsulları və uşaq qidasından göndərilib.
