Ukraynadakı nazirliklərin sayının üçdə bir azaldılması planlaşdırılır.

"Operativ Məlumat Mərkəzi-OMM"-in məlumatına görə, bu barədə ölkənin baş nazir Denis Şmiqal bildirib.

Onun sözlərinə görə, dövlət qulluqçularının sayı da azalacaq

"Nazirliklərin sayını üçdə bir azaltmaq,dövlət qulluqçularının sayını azaltmaq istəyirik. Biz artıq bunu etməyə başlamışıq, ilin əvvəlindən dövlət qulluğunda 20 min vakansiya azalıb", - deyə baş nazir mətbuat konfransında bildirib.

Hazırda Ukraynada 19 nazirlik var. Nazirlər Kabinetinə Baş nazirin 5 müavini, eyni zamanda nazirliklərə rəhbərlik edən 16 nazir daxildir.

İspaniya hökuməti İsrailə silah aparan gəminin yenidən təchizat üçün ölkənin limanlarında dayanması tələbini rədd edib.

"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.

Belə ki, "Marianne Danica" adlı Danimarka kommersiya yük gəmisinin İsrailə silah və partlayıcı material daşıdığının açıqlanmasından sonra hökumət Sumar ittifaqı və Podemos partiyasının cinayət şikayətlərini nəzərə alıb və gəminin İspaniya limanına yaxınlaşmasına icazə verməyib.

Mövzu ilə bağlı Brüsseldə jurnalistlərin suallarını cavablandıran Xarici İşlər Naziri Jose Manuel Albares, "Biz bunu ilk dəfə edirik, çünki ilk dəfə İsrailə silah daşıyan bir gəminin İspanyada dayanmaq istədiyini təsbit edirik. İsrailə göndəriləcək döyüş materialları qəbul etməmək bizim siyasətimiz üçün doğru addımdır".

Niderlandda Zoraya Ter Beekin psixi sağlamlıq problemləri səbəbiylə evtanaziya müraciəti qəbul edilib.

"Operativ Məlumat Mərkəzi-OMM" xəbər verir ki, bu barədə “The Guardian” nəşri məlumat yayıb.

Belə ki, 29 yaşlı qadının “dözülməz ruhi ağrılar” keçirməsi səbəbiylə qanunla “tibbi yardımlı ölüm” olaraq təyin olunan evtanaziyaya tezliklə məruz qalacaq.

Müraciət prosesinin yekunlaşması təxminən 3,5 il davam edən Ter Beekin "psixi sağlamlıq problemləri" səbəbiylə evtanaziya ediləcəyi xəbəri Avropada "yardımlı intihar" müzakirələrini yenidən alovlandırıb.

Psixoloji xəstəlik səbəbiylə müraciətinin qəbul edilməsi ilə bağlı yaranan müzakirələri anladığını bildirən Ter Beek, bu qanuni hüququn Hollandiyada 20 ildir həyata keçirildiyini və bundan bəhrələndiyini bildirib.

Almaniyanın Düsseldorf şəhərində yaşayış binasının birinci mərtəbəsindəki köşkdə baş verən partlayışdan sonra yanğın baş verib.

"Operativ Məlumat Mərkəzi-OMM"  xəbər verir ki, bu barədə xarici KİV məlumat yayıb.

Alov yuxarı mərtəbələrə və park edilmiş avtomobillərə keçib. Çoxlu sayda mənzil sakini nərdivanlarla eyvandan çıxarılıb. Yanğınsöndürmə idarəsindən verilən açıqlamada 3 nəfərin öldüyü, 16 nəfərin xəstəxanalara aparıldığı bildirilib.

Yanğının səbəbi hələlik məlum deyil.

Almaniyanın qərbində yaşayış binasında yanğın baş verib.

"Operativ Məlumat Mərkəzi-OMM" “General Anzeiger”ə istinadən xəbər verir ki, yanğın gecə saatlarında binanın birinci mərtəbəsində baş verib, sonra ikinci mərtəbəyə keçib.

Hadisə zamanı 3 nəfər ölüb, daha iki nəfər yaralanıb.

Məlumata görə, yanğının səbəbi bəlli deyil.

Slovakiyanın Baş naziri Robert Fitso kabinetin iclasından sonra baş verən atışmada yaralanıb.

"Operativ Məlumat Mərkəzi-OMM" xəbər verir ki, bu barədə yerli mətbuat xəbər yayıb.

Məlumata görə, atəş Fitso ictimaiyyət arasında çıxdıqdan sonra açılıb. Onu xəstəxanaya aparıblar.

Bildirilir ki, hücum edən şəxs saxlanılıb və onun hərəkətinin motivləri məlum deyil.