2024-cü ilin sonuna qədər Ukrayna Çexiyanın dəstəyilə 500 min artilleriya mərmisi alacaq.
"Operativ Məlumat Mərkəzi-OMM" xəbər verir kİ, bunu ČTK xəbər agentliyinə müsahibəsində Çexiyanın Baş naziri Petr Fiala deyib.
“Məqsədimizə nail olacağıq – 500 min iriçaplı mərmi Ukraynaya göndəriləcək”.
Onun sözlərinə görə, Ukraynaya bu cür döyüş sursatı ilə hərbi dəstək verilməsi fasiləsiz davam edəcək.
Baş nazir qeyd edib ki, Çexiya bu istiqamətdə ən çox Danimarka və Hollandiya ilə əməkdaşlıq edir. O, 2025-ci ildə Ukrayna Silahlı Qüvvələri üçün artilleriya mərmilərinin tədarükü təşəbbüsünə xeyli sayda dövlətin cəlb edilməsinin mümkün olacağını gözləyir.
