Almaniyalı mütəxəssis Tomas Tuxel “Real”ın baş məşqçi postuna namizəddir.
"Operativ Məlumat Mərkəzi-OMM" "Bayern & Germany"-ə istinadən xəbər verir ki, o, “kral klubu”nun baş məşqçisi Karlo Ançelottini əvəz edə bilər. Lakin Tuxel “Bayern”i çalışdırmaqda maraqlıdır.
Tomas Tuxelin sonuncu iş yeri “Çelsi” olub. Öncədən o, “Maynts”, “Borussiya” (Dortmund) və PSJ-də də işləyib.
“Bayern” hazırda Almaniya Bundesliqasında 43 xalla birinci, “Real” isə İspaniya La Liqasında 51 xalla ikinci pillədə qərarlaşıb.