Türkiyənin qərbində Kütahya vilayətində 4,1 bal gücündə zəlzələ baş verib.
"Operativ Məlumat Mərkəzi-OMM"-in məlumatına görə, bu barədə Türkiyə Fəlakət və Fövqəladə Halların İdarə Edilməsi (AFAD) məlumat yayıb.
Qeyd olunub ki, yeraltı təkanlar yerli vaxtla səhər saat 6:49-da (Bakı vaxtı ilə 7:49) Simav şəhərindən 19 kilometr şimal-qərbdə qeydə alınıb. Zəlzələnin ocağı 10 kilometrdən çox dərinlikdə yerləşib. Tələfat və dağıntılar barədə məlumat yoxdur.
