UEFA Çempionlar Liqasının C qrupunun dördüncü oyununda İspaniya təmsilçisi “Real Madrid”lə Portuqaliyanın “Braqa” komandası arasında keçiriləcək oyunu FİFA lisenziyasına malik türkiyəli referi Halil Umut Meler idarə edəcək.
"Operativ Məlumat Mərkəzi-OMM" xəbər verir ki, bu barədə Türkiyə Futbol Federasiyası (TFF) məlumat yayıb.
Vurğulanıb ki, Halil Umut Melərin köməkçiləri Mustafa Emre Eyisoy və Kerem Ersoy olacaq. Qarşılaşmanın dördüncü hakimi Arda Kardeşlər olacaq. Qarşılaşmada Massimiliano İrrati VAR, Alper Ulusoy isə AVAR hakimi olacaq.
Qeyd edək ki, "Real Madrid" - "Braqa" matçı noyabrın 9-u Bakı vaxtı ilə saat 00:00-da başlayacaq.