Türkiyənin daxili işlər naziri Əli Yerlikaya ölkənin təhlükəsizlik qüvvələrinin İŞİD terror təşkilatı ilə əlaqədə şübhəli bilinən 72 nəfəri saxladığını bildirib.
"Operativ Məlumat Mərkəzi-OMM" xəbər verir ki, o, bu barədə "X" sosial hesabında bildirib.
“13 vilayətdə İŞİD terror təşkilatına qarşı keçirilən əməliyyatlar çərçivəsində 72 nəfər saxlanılıb”, - deyə yazıb.
Şübhəlilər Adana, Ankara, Antalya, İstanbul, Trabzon və digər yerlərdə həbs edilib.
Türkiyə təhlükəsizlik xidmətləri mütəmadi olaraq İŞİD-ə qarşı əməliyyatlar aparır. Daxili İşlər Nazirliyinin məlumatına görə, bir il ərzində qruplaşma ilə əlaqədə olmaqda şübhəli bilinən 3000-dən çox şəxs saxlanılıb.
