Türkiyə Silahlı Qüvvələri İraqın şimalında yeni əməliyyat keçirib.

"Operativ Məlumat Mərkəzi-OMM" xəbər verir ki, bu barədə Türkiyənin Milli Müdafiə Nazirliyindən bildirilib.

Qeyd olunub ki, Qara, Hakurk və Qəndildə keçirilən əməliyyat nəticəsində 17 terrorçu öldürülüb.

Türkiyədə prezident Rəcəb Tayyib Ərdoğanın vəzifəsini müvəqqəti olaraq vitse-prezident Cevdet Yılmaz icra edəcək.

"Operativ Məlumat Mərkəzi-OMM" xəbər verir ki, dövlət başçısının bu barədə qərarı “Rəsmi qəzet”də dərc olunub.

Bildirilib ki, buna səbəb R.T.Ərdoğanın ABŞ-a səfəridir.

Qeyd olunub ki, prezidentin sentyabrın 21-dən 26-dək davam edən səfəri ilə əlaqədər Türkiyə konstitusiyasının106-cı maddəsinə uyğun olaraq prezidentin vəzifələrini vitse-prezident icra edəcək.

Türkiyənin Şanlıurfa şəhərinin Siverek rayonunda motosiklet və sulama maşınının iştirakı ilə baş vermiş yol-nəqliyyat hadisəsində iki nəfər ölüb.

"Operativ Məlumat Mərkəzi-OMM" “TRT Haber”ə istinadən xəbər verir ki, bu barədə “Anadolu” məlumat yayıb.

Bildirilib ki, idarəetməni itirən motosikletçi nəqliyyat vasitəsini sulama maşının arxasına çırpıb. Nəticədə sürücü və sərnişini hadisə yerində keçinib.

Faktla bağlı araşdırma aparılır.

Rusiyanın xarici işlər naziri Sergey Lavrov Ukraynanın Qərbin təqdim etdiyi uzaqmənzilli raketlərdən istifadə etmək imkanının olmadığını və bunun üçün bu silahların istifadə olunduğu ölkələrin ekspertlərinə ehtiyac duyulacağını bildirib.

"Operativ Məlumat Mərkəzi-OMM" xəbər verir ki, bu barədə nazirliyin mətbuat xidməti məlumat yayıb.

“NATO hazırda Rusiyaya qarşı müharibə aparır. Amma bu, ukraynalıların əlində hibrid müharibədir. Söhbət uzaqmənzilli raket silahlarından gedirsə, o zaman hamı başa düşür ki, ukraynalılar onlardan istifadə edə bilməzlər. Hədəf, peyklərdən alınan məlumatlar, uçuş missiyaları, bütün bunları ancaq bu silahları istehsal edən ölkənin mütəxəssisləri edə bilər”,- deyə Lavrov vurğulayıb.

Ukrayna prezidenti Vladimir Zelenski sosial şəbəkələrdə bildirib ki, o, Ali Baş Komandanla görüş keçirib, burada ölkənin enerji obyektlərinin mühafizəsi müzakirə olunub.

"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.

"Biz obyektlərin mühəndis mühafizəsinin vəziyyətini və istehkamların tamamlanma qrafikini nəzərdən keçirdik",- deyə qeyd olunub.

O, həmçinin bildirib ki, elektron müharibə və hava hücumundan müdafiə sistemlərinin yerləşdirilməsi, o cümlədən Kiyevin yaxın gələcəkdə gözlədiyi Patriot sistemlərinin nəzərdən keçirilməsi müzakirə olunub.

Zelenski həmçinin bildirib ki, Ukraynada raket, pilotsuz uçan aparat və elektron döyüş avadanlıqlarının istehsalı ilə bağlı qərarlar verilib.

İran HƏMAS lideri İsmayıl Haniyənin iyulun 31-də Tehranda öldürülməsindən sonra İsrailə ən qısa zamanda cavab verəcəyi barədə xəbərdarlıq edib.

"Operativ Məlumat Mərkəzi-OMM" xəbər verir ki, bu barədə İranın ali dini lideri Əli Xameneinin ofisinin rəhbəri Məhəmməd Məhəmmədi Gülpayeqani İRNA-ya deyib.

"Mənfi düşmən təbliğatı həqiqəti yalan, yalanı isə həqiqət kimi qələmə verir. Əgər övladlarınızın bədxassəli düşmən təbliğatının təsirinə düşməsini istəmirsinizsə, cümə namazı üçün məscidə gəlin", - o əlavə edib.

O, insan haqları müdafiəçilərinin ikili standartlar tətbiq etdiklərini bildirərək, "Qəzza zolağında çoxu qadın və uşaq olmaqla 41 min fələstinlinin qəddar sionist rejimi tərəfindən öldürüldüyü bir vaxtda susdular",- deyə qeyd edib.