Türkiyənin Ticarət Nazirliyi, Kənd Təsərrüfatı və Meşə Təsərrüfatı Nazirliyi tərəfindən aparılan qiymətləndirmə nəticəsində aprelin 8-dən limon ixracının müvəqqəti dayandırılmasına qərar verilib.
"Operativ Məlumat Mərkəzi-OMM" xəbər verir ki, bununla bağlı Türkiyə KİV məlumat yayıb.
Bildirilib ki, ərzaq təminatının təhlükəsizliyinin təmin edilməsi məqsədi ilə kənd təsərrüfatı məhsulları və ərzaq məhsullarının tələb-təklif balansı, ölkədaxili və beynəlxalq qiymət dəyişiklikləri səlahiyyətli qurumlar tərəfindən yaxından izlənilir.
Adana, Mersin və Hatayda son vaxtlar meydana gələn donvurma hadisələri ilə bağlı Kənd Təsərrüfatı və Meşə Nazirliyi ilə birlikdə aparılan işlər nəticəsində lazımi tədbirlərin görülməsinin faydalı olacağı qənaətinə gəlinib.
Bazar şəraiti yaxından izlənəcək və lazım gəldikdə əlavə tədbirlər qiymətləndiriləcək.
