OMM Redaksiyası
İngiltərə millisi UEFA Millətlər Liqasının ikinci turunda Çexiyanı 2:0 hesabı ilə məğlub edib. Görüşdə Trent Aleksander-Arnold 2024-cü ilin oktyabrından sonra ilk dəfə yığmanın start heyətində meydana çıxıb.
“Liverpul”un müdafiəçisi 47-ci dəqiqədə Entoni Qordonun vurduğu qola assist edib.
“Rəqib on nəfərlə qalanda üzərimizə əlavə məsuliyyət düşür. Oyunu qazanmalıyıq. Əslində bu, tapşırığı daha da çətinləşdirir. Rəqib müdafiədə çoxsaylı futbolçu ilə kompakt oynamağa başlayır”, – Aleksander-Arnold ITV Sport-a açıqlamasında deyib.
O, komandanın rəqib cərimə meydançası yaxınlığında və içərisində topa çox sahib olduğunu, lakin müdafiəni yarmağın asan olmadığını bildirib. Futbolçu fasilədə Qordona cinahdan ötürmə hazırlayacağı halda uzaq dirəyə açılmasını söylədiyini qeyd edib.
“Ölkəni təmsil etmək həmişə şərəf və zövqdür. İngiltərə millisində oynaya biləcəyimə daim inanmışam və bunu həmişə istəmişəm. Bu gün məşqçi mənə şans verdi. Onun tapşırıqlarını mümkün qədər yaxşı yerinə yetirməyə çalışıram”, – müdafiəçi əlavə edib.
