Afət Ziyadqızı
Tramp administrasiyası Rusiyaya təzyiq üçün yeni taktika tətbiq edir
"Operativ Məlumat Mərkəzi-OMM" xəbər verir ki, bu barədə “Fox News” ekspertlərə istinadən məlumat yayıb.
Bildirilib ki, Tramp administrasiyası Moskvanın müttəfiqlərinə, eləcə də logistika və təchizat zəncirlərinə təzyiq göstərməklə Rusiyanı sülh razılaşmasına nail olmağa məcbur etmək üçün yeni taktika tətbiq edir.
Müsahibə verilən ekspertlərin fikrincə, Rusiya təzyiqlə üzləşir, çünki onun bir sıra müttəfiq ölkələri “Amerika ordusunun qüdrətindən əziyyət çəkib və nəticədə Rusiyaya daha az gəlir və resurs axını qalıb”.
Prezidentin Ukrayna üzrə xüsusi nümayəndəsinin baş müşaviri vəzifəsində çalışmış Morqan Merfi bildirib ki, Tramp artıq “Venesuelanı şahmat lövhəsindən çıxarıb” və indi də İranla bağlı eyni addımı atmağa çalışır.
“Bu, Putinin hesablamalarını dəyişdirməlidir”, – deyə Merfi vurğulayıb.
Eyni zamanda, təqaüddə olan amerikalı general Bryus Karlson qeyd edib ki, Tramp vasitəçilər vasitəsilə Rusiyaya təzyiq göstərərək onu Ukraynada sülhə razı salmağa çalışır.
