ABŞ Prezidenti Donald Tramp Davosda keçirilən xüsusi mərasimdə Sülh Şurasının təsis edildiyini rəsmən elan edib.
“Operativ Məlumat Mərkəzi-OMM”-in xəbərinə görə, dövlət başçısı bildirib ki, yeni yaradılan bu təşkilat Birləşmiş Millətlər Təşkilatı (BMT) və dünyanın bir çox ölkəsi ilə tərəfdaşlıq formatında fəaliyyət göstərəcək.
Tramp çıxışında bu günün böyük maraqla gözlənildiyini vurğulayaraq qeyd edib:
“Bir çox ölkə artıq dəvət alıb və hər kəs bu təşəbbüsdə yer almaq istəyir. Qurum həm BMT, həm də digər beynəlxalq tərəfdaşlarla sıx təmasda olacaq”.
Ağ Ev rəhbəri layihəyə dəstək verən bütün tərəflərə təşəkkürünü bildirərək, bu addımın beynəlxalq münasibətlərdə yeni bir mərhələ olacağını diqqətə çatdırıb.
