''Tramp İranın nüvə sənayesinin məhv edildiyinə inanmağa davam edə bilər''

İranın ali dini lideri Ayətullah Əli Xamenei iddia edib ki, ABŞ Prezidenti Donald Tramp İslam respublikasının bütün nüvə infrastrukturunun iyun hücumlarında məhv edildiyinə inanmağa davam edə bilər.

"Operativ Məlumat Mərkəzi-OMM" xəbər verir ki, o, bu barədə X sosial şəbəkəsindəki səhifəsində yazıb.

"ABŞ Prezidenti öyünür ki, onlar İranın nüvə sənayesini bombalayıb məhv ediblər. Çox yaxşı, xəyallarınızda!"- o, sosial şəbəkəsindəki səhifəsində yazıb.

Oktyabrın 9-da Tramp deyib ki, əgər ABŞ İran ərazisindəki obyektlərə zərbələr endirməsəydi, Tehran artıq nüvə silahına malik ola bilərdi.