ABŞ və İran arasındakı münaqişə sona yaxınlaşsa da, hələ tam bitməyib. Bu barədə Amerika Prezidenti Donald Tramp son açıqlamasında bildirib.
“Operativ Məlumat Mərkəzi-OMM”-in məlumatına görə, Ağ Ev rəhbəri bu barədə "Fox News" telekanalına müsahibəsində danışıb.
"Düşünürəm ki, sona yaxınlaşır, bəli", - o qeyd edib.
Telekanal müsahibənin fraqmentlərini yayıb və tam versiyası daha sonra yayımlanacaq. Jurnalist Mariya Bartiromo daha əvvəl Trampın İran münaqişəsinin bitdiyini elan etdiyini bildirib.
"Hələ qurtarmamışıq. Görək nə olacaq. Düşünürəm ki, onlar razılaşma əldə etməyi çox istəyirlər", - deyə Tramp vurğulayıb.
O, əlavə edib ki, Tehranın nüvə silahı hazırlamasının qarşısını almaq üçün İrana hücum etməli olub: "Onların diqqətini yayındırmalı idim, çünki etməsəydim, hazırda İran nüvə silahına sahib olardı".
