Afət Ziyadqızı
ABŞ Prezidenti Donald Tramp köməkçilərinə Hörmüz boğazının əsasən bağlı qalmasına baxmayaraq, İrana qarşı hərbi əməliyyatları dayandırmağa hazır olduğunu bildirib.
"Operativ Məlumat Mərkəzi-OMM" xəbər verir ki, bu barədə "The Wall Street Journal" qəzeti Ağ Ev rəsmilərinə istinadən məlumat yayıb
Nəşrin mənbələri Tramp və köməkçilərinin son günlərdə belə bir nəticəyə gəldiklərini bildirib ki, əgər Hörmüz boğazının açılması əməliyyatı başlasa, münaqişə daha da şiddətlənə və planlaşdırılan 4-6 həftədən daha uzun müddətə uzana bilər.
Rəsmilər bildiriblər ki, Tramp Vaşinqtonun əsas məqsədlərinə çatmalı olduğu qənaətinə gəlib: İranın dəniz və raket imkanlarını məhv etmək və davam edən hərbi əməliyyatlara son qoymaqla yanaşı, Tehrana gəmiçilik fəaliyyətinin bərpası üçün diplomatik təzyiq göstərmək.
WSJ mənbələri qeyd edir ki, əgər bu baş tutmasa, Vaşinqton Avropa və Fars körfəzindəki müttəfiqlərinin Hörmüz boğazını açmaq təşəbbüsünü göstərməsində israr edəcək.
