Afət Ziyadqızı
ABŞ prezidenti Donald Tramp ABŞ-nin bir neçə ştatında ciddi psixi problemləri olan insanlar üçün xəstəxanaların açılmasına icazə verib.
"Operativ Məlumat Mərkəzi-OMM" xəbər verir ki, Tramp bu barədə“Daily Caller” qəzetinə müsahibəsində bildirib.
Cinayətkarlığı azaltmaq üçün nə edəcəyini soruşduqda, ABŞ lideri uzun müddətdir bağlı olan ruhi xəstəxanaların yenidən açılmasını düşünə biləcəyini söyləyib.
O, əlavə edib ki, Nyu-York və Kaliforniya kimi ştatlarda onların sayı çox idi ancaq ruhi xəstəxanaları saxlamaq çox bahadır, ona görə də səlahiyyətlilər onları bağlayıb.
Tramp bu qərarın ABŞ-nin böyük şəhərlərində kriminal vəziyyətə təsiri ilə bağlı müşahidələrini də bölüşüb. O, əmindir ki, psixi pozğunluğu olan insanlar cəmiyyət üçün “çox təhlükəlidir”. Onlar isə kifayət qədər uzun, 85 ilədək ömür sürə bilirlər, deyə dövlət başçısı qeyd edib.
