Almaniyanın “Bayern Münxen” klubunun hücumçusu Serj Qnabri Premyer Liqa klublarının diqqət mərkəzinə düşüb.
"Operativ Məlumat Mərkəzi-OMM" İngiltərə mətbuatına istinadən xəbər verir ki, 30 yaşlı futbolçu ilə maraqlanan klublar arasında “Tottenhem” də var.
Almaniya millisinin üzvü olan Qnabri yığmada 57 oyun keçirib, 25 qol vurub. Onun Münxen klubu ilə mövcud müqaviləsi 2026-cı ilin iyun ayınadək qüvvədədir.
Cari Bundesliqa mövsümündə hücumçu 6 oyunda 5 qol və 1 məhsuldar ötürmə ilə diqqət çəkib.
“Transfermarkt” portalı Qnabrinin hazırkı bazar dəyərini 20 milyon avro olaraq göstərir.
Qeyd olunur ki, 2025-ci ilin fevralında yayılan xəbərlərdə “Bayern Münxen”in futbolçunu 35 milyon avro qarşılığında satmaq variantını nəzərdən keçirdiyi bildirilirdi. Bu amil yay transfer pəncərəsində Qnabrinin İngiltərəyə qayıdışını real ssenariyə çevirə bilər.
