"Nyukasl"ın və İtaliya millisinin yarımmüdafiəçisi Sandro Tonali qumar asılılığından xüsusi terapiya keçməli olacaq.
"Operativ Məlumat Mərkəzi-OMM" xəbər verir ki, bu barədə "Corriere della Sera" məlumat yayıb.
Qeyd edilib ki, Tonali və Zaniolo futbol hadisələrinə mərc etməkdə ittiham olunublar.
Mənbənin sözlərinə görə, futbolçu uzun müddətdir ki, qumar asılılığı ilə bağlı problemi yaxın ətrafına danışıb.
Prokurorlar Tonaliyə qumar asılılığından qurtulmaq üçün kömək təklif ediblər və yarımmüdafiəçi bununla razılaşıb.
Mənbə qeyd edir ki, futbolçunun özü də etdiyi səhvdən və onu hansı nəticələrin gözlədiyinin fərqindədir.
