Tatarıstanda nazirlik və idarələrin, o cümlədən regionun dövlət xidmətlərinə çıxış təmin edən qurumların veb saytları işləməyi dayandırıb.
“Operativ Məlumat Mərkəzi – OMM” xəbər verir ki, “Realnoe Vremya” Tatarıstanın Rəqəmsal İnkişaf, Dövlət İdarəçiliyi, İnformasiya Texnologiyaları və Rabitə Nazirliyinə istinadən məlumat yayıb.
Qeyd olunur ki, bəzi internet provayderləri bağlantı problemləri barədə məlumat verirlər və texniki problemlərin müvəqqəti olduğu bildirilir.
Rəqəmsal İnkişaf Nazirliyi həmçinin bildirib ki, provayderlər hazırda girişi bərpa etmək üzərində çalışırlar və mütəxəssislər veb saytların funksionallığını mümkün qədər tez bərpa etmək üçün tədbirlər görürlər.
