1990-cı illərin məşhur serialı "Lois & Clark: The New Adventures of Superman"də Supermen obrazını canlandırmış aktyor Dean Cain ABŞ Göç İdarəsi və Gömrük Mühafizə Xidmətinə (ICE) qoşulacağını açıqlayıb.
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.
"Çox tezliklə ICE agenti kimi and içəcəyəm", - o bildirib.
Onun bu açıqlaması, ICE-in genişmiqyaslı işə qəbul kampaniyasına başladığı bir vaxtda gəlib. Bu qurum, Tramp administrasiyasının sərt miqrasiya və deportasiya siyasətində əsas rol oynayan orqandır.
Dean Cainin bu rolu üzərinə götürməsi ictimaiyyətdə mübahisələr doğurub və sosial mediada belə bir sual gündəmə gəlib: “Supermen ədalət uğrunda mı, yoxsa deportasiya uğrunda mı mübarizə aparır?”
