IFRC-nin Sudan Nümayəndəliyinin rəhbəri Fərid Ayvari onlayn mətbuat brifinqində tərəfləri münaqişədən zərər çəkənlərə humanitar yardımın çatdırılmasını dəstəkləməyə çağırıb.
"Operativ Məlumat Mərkəzi-OMM" xəbər verir ki, münaqişələrin davam edəcəyi təqdirdə Sudanın səhiyyə sisteminin çökə biləcəyi barədə xəbərdarlıq edən Aiyvari, Xartum və ətrafına humanitar yardımın çatdırılmasının mümkün olmadığını dilə gətirib.
Aiyvari şəhərdə qida, su və elektrik problemlərinin olduğunu və çox sayda insanın təxliyə üçün onlardan dəstək istədiklərini bildirib.
Sudanda ordu ilə HDK arasında toqquşma olub.
Aprelin 15-də səhər saatlarında Sudanın paytaxtı Xartumda və müxtəlif şəhərlərdə Sudan ordusu ilə hərbiləşdirilmiş Çevik Dəstək Qüvvələri (HDK) arasında silahlı toqquşmalar baş verib.
“HDK-nın orduda tam iştirakını” nəzərdə tutan hərbi təhlükəsizlik islahatı ilə bağlı ordu ilə HDK arasında yaranan fikir ayrılığı son bir neçə ayda qızğın qarşıdurmaya çevrilmişdi.
Ümumdünya Səhiyyə Təşkilatının (ÜST) baş direktoru Tedros Adhanom Qebreyesus bildirib ki, bu gün həyatını itirənlərin sayı 270-ə çatıb.
Sudan ordusu da beynəlxalq tərəflərin 18.00-dan etibarən təklif etdiyi 24 saatlıq atəşkəs çağırışına əməl edəcəklərini açıqlayıb.
