Afət Ziyadqızı
Bu gün Strasburqda Avropa Parlamentinin sessiyasında Avropa Komissiyasının sədri Ursula fon der Leyenə COVID-19 peyvəndlərinin alınmasında korrupsiyaya görə etimadsızlıq səsverməsi müzakirə olunacaq.
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.
Bildirilib ki, müzakirədə Fon der Leyenin özü və bütün Avropa Komissiyası iştirak edəcək.
Etimadsızlıq səsverməsi ilə bağlı təklif Rumıniyalı Avropa Parlamentinin deputatı Qheorghe Piperea tərəfindən irəli sürülüb. O, Fon der Leyen və Avropa Komissiyasını pandemiya zamanı şəffaflığın olmaması və zəif idarəetmədə günahlandırır.
