ABŞ Prezidentinin xüsusi nümayəndəsi Stiven Vitkov İran tərəfi ilə danışıqlar aparmaq üçün Cenevrəyə gəlib.
“Operativ Məlumat Mərkəzi-OMM” xəbər verir ki, bu barədə TASS məlumat yayıb.
Məlumata görə, ABŞ Prezidentinin xüsusi nümayəndəsini daşıyan təyyarə Cenevrə hava limanına eniş edib. İran və ABŞ arasında nüvə danışıqlarının üçüncü raundunun İsveçrədə keçirilməsi planlaşdırılır.
Bildirilib ki, İran nümayəndə heyətinə ölkənin xarici işlər naziri Abbas Əraqçi, ABŞ nümayəndə heyətinə isə Uitkof rəhbərlik edəcək.
Qeyd edək ki, ötən həftə Vitkov Ukrayna ilə bağlı üçtərəfli danışıqlarda iştirak etmək üçün də Cenevrəyə səfər edib. Həmin dövrdə İran və ABŞ nümayəndələri arasında dolayı danışıqların ikinci mərhələsi baş tutub.
