Afət Ziyadqızı
"Çin və Almaniya strateji əməkdaşlığı gücləndirməli, qarşılıqlı etimadı artırmalı və strateji tərəfdaşlığın inkişafını təşviq etməlidirlər".
“Operativ Məlumat Mərkəzi-OMM”-in “Xinhua News Agency”nə istinadən yaydığı məlumata görə, bunu Si Cinpin Pekində Fridrix Merz ilə görüşü zamanı bildirib.
Si Cinpin qeyd edib ki, dünya nə qədər mürəkkəb və qarşılıqlı asılı olarsa, Çin və Almaniya bir o qədər strateji dialoqu gücləndirməli, qarşılıqlı strateji etimadı artırmalı və iki ölkə arasında hərtərəfli strateji tərəfdaşlığın inkişafına nail olmalıdır.
O əlavə edib ki, mövcud beynəlxalq vəziyyət İkinci Dünya Müharibəsinin sonundan bəri ən dərin dəyişiklik mərhələsindən keçir.
Çin lideri münasibətlərin inkişafı üçün üç təklif irəli sürüb: tərəflər bir-birini dəstəkləyən etibarlı tərəfdaşlar, qarşılıqlı fayda gətirən açıq və innovativ tərəfdaşlar, eləcə də qarşılıqlı anlaşma və dostluğa əsaslanan mədəni tərəfdaşlar olmalıdır.
Si Cinpin həmçinin Çin və Almaniyanın Birləşmiş Millətlər Təşkilatının mərkəzi rolunu dəstəkləməli və möhkəmləndirməli olduğunu vurğulayıb.
