Amerikanın “SpaceX” şirkəti orbitə daha 23 ədəd “Starlink” peyki göndərib.
"Operativ Məlumat Mərkəzi-OMM" xarici KİV-ə istinadən xəbər verir ki, kapsulu Florida ştatının Keyp Kanaveral kosmik mərkəzindən buraxılan “Falcon-9” raketi atmosfer xaricinə çıxarıb.
Raket daha sonra Yerə uğurlu eniş edib.
Qeyd edək ki, “SpaceX” indiyədək kosmik fəzaya ümumilikdə 5 mindən çox peyk buraxıb. “Starlink” internet şəbəkəsi dünyanın 70 ölkəsində əlçatandır.
Dünyanın ən böyük peyk operatoru orbitə ümumilikdə təxminən 12 min kosmik aparat çıxarmağı planlaşdırır.
Təxminən 10 milyard dollara başa gələcək layihə planetin istənilən guşəsində genişzolaqlı internetə çıxışı təmin etməyə imkan yaradacaq.
