Afət Ziyadqızı
Şimali Koreya mayın 31-də raket daşıyıcı sistemindəki nasazlıq səbəbindən Sarı dənizə düşən hərbi casus peykinin buraxılış cəhdini ilin birinci yarısında "ən ciddi səhv" kimi qiymətləndirib.
"Operativ Məlumat Mərkəzi-OMM" Yonhap Koreya Mərkəzi Xəbər Agentliyinə (KCNA) istinadən xəbər verir ki, buraxılışa cavabdeh olan məmurlar “sərt” tənqid edilib və uğursuzluğun səbəbinin ətraflı araşdırılacağı bildirilib.
Həmçinin qeyd olunub ki, beynəlxalq qınaqlara baxmayaraq, peyk qısa müddətdə yenidən “düzgün” orbitə buraxılacaq.
Buraxılış Şimali Koreyanın 2016-cı ildən bəri 6-cı uğursuz peyk cəhdi kimi qeydə alınıb.
