Şimali Koreya çoxlu reaktiv yaylım atəşi sistemlərinin istifadə olunduğu bir təlim təşkil etdiyini və ssenariyə uyğun olaraq düşmən hədəflərinə nüvə əks-hücumunun həyata keçirildiyini açıqlayıb.

"Operativ Məlumat Mərkəzi-OMM" xəbər verir ki, bu barədə Şimali Koreyanın rəsmi Koreya Mərkəzi Xəbər Agentliyinin (KCNA) məlumat yayıb.

Belə ki, ölkə lideri Kim Çen Inın nəzarəti altında düşmən hədəflərinə nüvə əks-hücumunun ssenariləşdirildiyi təlim keçirilib.

Təlimdə nüvə başlıqları daşıya bilən iri 600 millimetrlik çoxsaylı reaktiv yaylım atəşi qurğuları sınaqdan keçirilib və 352 kilometr uzaqlıqdakı adaya uğurla vurulub. Təlim Şimali Koreyanın bütün nüvə qüvvələrinin komandanlıq, idarəetmə, nəzarət və əməliyyat sisteminin etibarlılığını təsdiqləyib.

Almaniyanın Berlin şəhərində “Diehl Metal Applications” metallurgiya zavodu yanır.

"Operativ Məlumat Mərkəzi-OMM" “Bild”ə istinadən xəbər verir ki, bu barədə Berlinin yanğınsöndürmə xidmətinin nümayəndəsi Adrian Vensel bildirib.

Onun sözlərinə görə, binanın dörd mərtəbəsi tamamilə yanıb, bir hissəsi uçub: “Yanğını nəzarət altına almaq mümkün deyil”.

A.Vensel bildirib ki, binanın daxilində kimyəvi maddələrdə yanır: “Orada sulfat turşusu və mis sianid də saxlanılırdı”. O qeyd edib ki, hidrogen sianid zəhərləyici turşunun yaranması təhlükəsi var. İnformasiyaya əsasən, hadisə yerinə 130 yanğınsöndürən cəlb edilib. Sakinlərə pəncərələri bağlamaq məsləhət görülüb. Xilasedicilər kimyəvi maddələrdən qorunmaq üçün kostyumlar geyinib.

Gürcüstanın baş naziri İrakli Kobaxidze ABŞ-ın keçmiş səfiri Kelli Deqnanı 2020-2023-cü illərdə inqilabi ssenariləri dəstəkləməkdə ittiham edib.

"Operativ Məlumat Mərkəzi-OMM" xəbər verir ki, bu barədə TASS məlumat yayıb.

Bundan əvvəl Kobaxidze Vaşinqtonun xarici agentlərlə bağlı qanun layihəsinə baxılmasının dayandırılmasını tələb etdiyi üçün ABŞ-a səfərindən imtina etmək qərarına gəlib.

İraqda yerləşən İranyönümlü silahlı qruplaşma İsrailə bir neçə dəfə qanadlı raketlər vasitəsi ilə zərbə endirib.

"Operativ Məlumat Mərkəzi-OMM" “Reuters”ə istinadən xəbər verir ki, bu barədə qruplaşmanın yaydığı açıqlamada bildirilib.

Məlumata görə, hücum “Arkub” tipli qanadlı raket vasitəsi ilə edilib. Bildirilib ki, ilk dəfə olaraq İsrailin Təl-Əviv şəhəri hədəfə alınıb.

İranın İraqdakı “İslam müqavimət hərəkatı"ndan bildirilib ki, oktyabrın 7-dən onlarla raket və PUA vasitəsi ilə ABŞ-nin İraq və Suriyadakı qüvvələrinə, İsrailin obyektlərinə zərbələr endiriblər.

Pakistanda sərnişin avtobusunun dərəyə aşması nəticəsində azı 20 nəfər ölüb.

"Operativ Məlumat Mərkəzi-OMM" xəbər verir ki, bu barədə xarici KİV-lər məlumat yayıb.

Bildirilib ki, qəza Çilas şəhərindən 20 kilometr məsafədə baş verib. Hadisə nəticəsində 20-yə yaxın şəxs xəsarət alıb.

Şərqi Afrika ölkəsi Keniyada leysan yağışların səbəb olduğu seldə həyatını itirənlərin sayı 188-ə yüksəlib.

"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.

Belə ki, Mai Mahiu qəsəbəsində güclü yağış nəticəsində bəndin uçması ilə baş verən fəlakətdən sonra bölgədə daha 50 nəfərin cəsədi tapılıb. Seldən ümumilikdə 196 min 296 nəfərin zərər çəkib.

Güclü yağışların ölkənin 47 bölgəsinin ən az 28-də təsirli olduğu öyrənilib.