Şimali Koreya son günlər gərginliyin artmasından sonra Cənubi Koreya sərhədindəki küçə işıqlarını söküb.

"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.

Belə ki, Şimali Koreya2004-cü ildə Koreyalararası barışıq prosesinin bir hissəsi kimi qurulan və sonradan ləğv edilən Kesonq Sənaye Kompleksindən Kumqanqsan dağına qədər yollardakı küçə işıqlarını söküb.

Sənaye kompleksindəki şirkətlərdə çalışan işçilərin istifadəsi üçün salınan yol 2016-cı ildə Şimali Koreyanın nüvə və raket sınaqları nəticəsində obyektlə birlikdə bağlanıb.

Fransa prezidenti Emmanuel Makron bir daha Ukraynaya hərbçilərin göndərilməsinin mümkünlüyünü istisna etmədiyini bildirib.

"Operativ Məlumat Mərkəzi-OMM" xəbər verir ki, o,  bu barədə "The Economist" jurnalına bildirib.

"Dediyim kimi, mən heç nəyi istisna etmirəm, çünki biz heç nəyi istisna etməyən biri ilə qarşılaşırıq".

O qeyd edib ki, münaqişədə hərbi iştirak ideyası artıq bir çox ölkələr tərəfindən dəstəklənib.

ABŞ və Səudiyyə Ərəbistanı krallığa təhlükəsizlik zəmanəti verəcək və İsrail hökumətinin Qəzza zolağında müharibəyə son qoyacağı təqdirdə İsraillə diplomatik münasibətlərə yol açacaq tarixi razılaşmaya yaxındır.

"Operativ Məlumat Mərkəzi-OMM" xəbər verir ki, bu barədə Bloomberg mənbələrə istinadən məlumat yayıb.

Müqavilə HƏMAS-ın oktyabrın 7-də İsrailə hücumundan sonra müddəti başa çatan müqavilənin yeni variantı olacaq.

Agentlik mənbələri bildiriblər ki, Vaşinqton və Ər-Riyad arasında danışıqlar son vaxtlar sürətlənib və bir çox rəsmilər razılığın həftələr ərzində əldə olunacağına nikbindirlər.

Bloomberg belə bir razılaşmanın Yaxın Şərqi potensial olaraq dəyişdirə biləcəyinə inanır. Müqavilə İsrail və Səudiyyə Ərəbistanının təhlükəsizliyini gücləndirməklə yanaşı, ABŞ-ın bölgədəki mövqeyini də İran və hətta Çin hesabına gücləndirəcək.

Avropa Komissiyasının sədri Ursula fon der Lyayen Avropa İttifaqının islahatlar və miqrasiya ilə mübarizə səyləri müqabilində 2027-ci ilə qədər Livana 1 milyard avro yardım ayırdığını bildirib.

"Operativ Məlumat Mərkəzi-OMM" xəbər verir ki, o, bu barədə Livanda keçirdiyi mətbuat konfransında məlumat verib.

"Dəstəyimizi vurğulamaq üçün mən bu ildən 2027-ci ilə qədər Livana 1 milyard avro yardım elan edirəm".

Fon der Lyayen izah edib ki, bu proqram təhsil, bank sektoru, silahlı qüvvələr və təhlükəsizlik qüvvələri sahəsində islahatlar, ən əsası isə immiqrasiya ilə mübarizə üçün nəzərdə tutulub.

Sədr həmçinin Livanın suriyalı qaçqınların qəbulunda rolunu alqışlayıb və onların vətənə qayıtmaları üçün proqramları dəstəkləyib.

ABŞ-ın Gürcüstandakı səfirliyi Tbilisidə “Xarici agentlər haqqında” qanuna qarşı etirazçılara dəstək verib.

"Operativ Məlumat Mərkəzi-OMM" xəbər verir ki, bu barədə TASS məlumat yayıb.

ABŞ diplomatları polisin dinc nümayişçilərə və nümayişi işıqlandıran jurnalistlərə qarşı güc tətbiqini pisləsə də, “biz Gürcüstan xalqının yanındayıq və onların səsini eşitmək hüququnu dəstəkləyirik”, - deyiblər.

Diplomatik nümayəndəlik dinc etirazların və ifadə azadlığının yatırılması üçün güc tətbiqinin qəbuledilməz olduğunu qeyd edib.

Çinin cənubundakı Quanqdonq əyalətinin Meycou əyalətində dünən baş verən sürüşmə nəticəsində avtomobil yolunun çökməsi nəticəsində həyatını itirənlərin sayının 48-ə yüksəldiyi bildirilib.

"Operativ Məlumat Mərkəzi-OMM" xəbər verir ki, bu barədə yerli administrasiya məlumat yayıb.

Sürüşmə nəticəsində magistralın çökməsi zamanı 23 avtomobilin açılan boşluğa düşdüyü bildirilib. Qəza nəticəsində 30 nəfərin yaralandığı qeyd edilib.

Meycou əyalətində həddindən artıq yağışın səbəb olduğu torpaq sürüşməsi şəhərlərarası avtomobil yolunun 18 metrlik hissəsinin çökməsinə səbəb olub.

Hadisə şahidlərinin verdiyi məlumata görə, gecə saat 02:00 radələrində magistralın bir zolağı uçub və yolda hərəkət edən avtomobillər boşluğa yuvarlanıb.