Səudiyyə Ərəbistanı və İran birbaşa hərbi qarşıdurmaya girməmək barədə razılığa gəliblər.

"Operativ Məlumat Mərkəzi-OMM" xəbər verir ki, bu barədə Səudiyyə Ərəbistanının yüksək rütbəli məmuruna istinadən “Al Arabiya” telekanalı məlumat yayıb.

Bildirilir ki, Ər-Riyad və Tehran, həmçinin bundan sonra bir-birinə qarşı kəşfiyyat fəaliyyəti həyata keçirməmək barədə qərar qəbul ediblər.

“Dövlətlər müdafiə və təhlükəsizlik sahəsində öhdəliklər götürüblər”, - nəşr qeyd edir.

Qeyd edək ki, bir neçə gün əvvəl Səudiyyə Ərəbistanı və İran Çinin vasitəçiliyi ilə münasibətləri normallaşdırmaq barədə razılığa gəliblər.

Rusiya hakerlərinin Ermənistan Baş naziri Aparatının məlumat bazasına hücumu barədə məlumatlar yoxlanılır.

"Operativ Məlumat Mərkəzi-OMM" xəbər verir ki, bu barədə Ermənistan hökumətinin başçısı Aparatının İnformasiya və ictimaiyyətlə əlaqələr idarəsinin rəisi Armen Xaçatryan bildirib.

"Hazırda bunun təsdiqi yoxdur", - Xaçatryan deyib. Xatırladaq ki, Rusiyanın haker qruplarından biri FTP ötürmə sistemi vasitəsilə Ermənistan Baş nazirinin Aparatının məlumat bazasına daxil ola bildiyini bildirib. "Bizim əlimizdə məlumatlar bazası var", - hakerlərdən biri deyib. Hakerlər Ermənistan hökumətinin yaxın 2,5 saat ərzində onlara 48 milyon dollar köçürməyəcəyi təqdirdə məlumatların silinəcəyi barədə təhdid ediblər.

İran prezidenti Məsud Pezeşkian Livanda baş verən son peycer partlayışlarını Qərb ölkələri üçün biabırçılıq adlandırıb.

"Operativ Məlumat Mərkəzi-OMM" xəbər verir ki, İran liderinin sözlərini İRNA agentliyi sitat gətirib.

İran prezidenti deyib: “Belə bir hadisə öz qeyri-insani məqsədlərinə çatmaq üçün hər şeyə hazır olan Qərb ölkələri, xüsusən də ABŞ üçün utancvericidir”.

İran lideri vurğulayıb ki, bu cür hadisələr Vaşinqtonun “bütün cinayətlərində” Təl-Əvivi dəstəklədiyini göstərir.

İran prezidenti Məsud Pezeşkian oktyabrın 22-24-də keçiriləcək BRİKS sammitində iştirak etmək üçün Kazana səfəri zamanı İran Rusiya ilə hərtərəfli strateji tərəfdaşlıq sazişi imzalamağa ümid edir.

"Operativ Məlumat Mərkəzi-OMM" xəbər verir ki, bunu İran parlamentinin Milli Təhlükəsizlik və Xarici Siyasət Komissiyasının üzvü Əbülfəzl Zöhrəvənd deyib

Deputat Tasnim xəbər agentliyinə deyib: "İran və Rusiya strateji əməkdaşlığa doğru irəliləyir. Cənab Pezeşkianın Rusiyaya gözlənilən səfəri zamanı biz ölkələr arasında strateji tərəfdaşlıq sazişinin imzalanmasının şahidi olacağıq".

Avropa rəsmilərinin İranın Rusiyaya ballistik raketlər göndərməsi ilə bağlı iddialarına münasibət bildirən Zöhrəvənd bildirib ki, Avropa “İran ictimaiyyətinə təzyiq göstərməklə İran və Rusiya arasında strateji əməkdaşlıq prosesini ləngitmək və pozmaq məqsədi daşıyır”.

Rəsminin sözlərinə görə, Aİ raket tədarük etdiyi iddiası ilə İslam Respublikasına sanksiya tətbiq etsə, “bu, İran daxilində ictimaiyyətə mesaj verəcək ki, bu sanksiyalar Tehran və Moskva arasında strateji əməkdaşlığın nəticəsidir”.

Estoniyanın keçmiş baş naziri Kay Kallasın Avropa İttifaqının (Aİ) diplomatiya rəhbəri təyin edilməsi onu göstərir ki, Qərb kadr seçimində daha rahat olduğu namizədlərə üstünlük verir.

"Operativ Məlumat Mərkəzi-OMM" xəbər verir ki, bunu Rusiya Xarici İşlər Nazirliyinin rəsmi nümayəndəsi Mariya Zaxarova deyib.

"Trend aydındır: Onlar ən yaxşısını deyil, faydalı, həssas və idarə oluna bilənləri seçirlər",- deyə bildirib.

Xüsusilə külli miqdarda dələduzluqda şübhəli bilinərək bir gün əvvəl saxlanılan sabiq vəkil Elman Paşayev barəsində həbs qətimkan tədbirinin seçilməsi üçün Moskva Qarnizonu Hərbi Məhkəməsinə aparılıb.

"Operativ Məlumat Mərkəzi-OMM" xəbər verir ki, bu barədə TASS məlumat yayıb.

“Məhkəməyə Elman Paşayevin həbs qətimkan tədbirinin seçilməsi barədə istintaq orqanının vəsatəti daxil olub”, - məlumatda bildirilib.

Bu pul müqabilində o, Aleksey Blinovskinin ailəsini vergidən yayınma işi üzrə cinayət məsuliyyətindən azad etməyi vəd edib.

Daha əvvəl bildirilmişdi ki, təqsirli bilinərsə, keçmiş vəkili 10 ilə qədər həbs cəzası gözləyir.

Qeyd edək ki, E.Paşayev bir gün əvvəl hərbi müstəntiqlər tərəfindən saxlanılıb və 46 milyon rubldan çox məbləğdə dələduzluqda ittiham olunur.