OMM Redaksiyası
"Bu il Şanxay Əməkdaşlıq Təşkilatının (ŞƏT) üzv ölkələri Belarus ərazisində birgə antiterror təlimləri keçirəcəklər".
"Operativ Məlumat Mərkəzi-OMM" xəbər verir ki, bu sözləri Qırğızıstan Təhlükəsizlik Şurasının katibi Adilet Orozbekov deyib.
“Tərəflər yaxın illər üçün təsdiqlənmiş əməkdaşlıq proqramı çərçivəsində praktik tərəfdaşlığın gücləndirilməsinə hazır olduqlarını bir daha təsdiqlədilər. Buraya 2030-cu ilə qədər ekstremist ideologiyaya qarşı mübarizə də daxildir. Bu planın həyata keçirilməsi çərçivəsində 2026-cı ildə Belarusda birgə antiterror təlimləri keçiriləcək”, – o bildirib.
Orozbekov əlavə edib ki, oxşar təlimlər 2027-ci ildə Qazaxıstanda da keçiriləcək.
“Bu cür komanda-qərargah tədbirləri koordinasiyalı fəaliyyətin işlənib hazırlanması üçün ən effektiv vasitələrdən biridir və birbaşa olaraq sülhün və regional təhlükəsizliyin qorunmasına xidmət edir”, – Təhlükəsizlik Şurasının katibi vurğulayıb.
